CREDENCIAL XACOBEA
E igual que os peregrinos sellan a súa credencial en cada etapa do camiño, nós tamén tivemos os nosos sellos e a nosa credencial.
Entradas
A Orixe
Moito aprendemos este curso sobre o Camiño de Santiago. Todo o alumnado de 4º, 5º e 6º de infantil e 1º e 2º de primaria traballamos o camiño A Orixe, que comeza no Faro de Corrubedo e remata en Santiago de Compostela. Coa axuda da profe Irene, que nos deseñou un impresionante mapa, fomos marcando as etapas feitas co cole ou nalgún caso cada un coa súa familia, xa que moitos alumnos e alumnas aportaron fotos ou obxectos das propias experiencias. Ademais, o alumnado de cada aula traballou con fichas adaptadas a cada nivel coas que se asentaron os coñecementos adquiridos
FIN DO CAMIÑO, CHEGADA Á CATEDRAL
E por fin chegamos á fin do noso Xacobeo. O martes 14 de xuño, puidemos visitar a Catedral de Santiago de Compostela entrando pola Porta Santa e vimos as fermosas prazas que a arrodean (Obradoiro, Praterías, Quintana...) Foi un día espectacular no que comprobamos que Santiago está cheo de peregrinos.
RUTA XACOBEA DO MAR DE AROUSA E RÍO ULLA Continuando coa nosa peregrinación e coa aprendizaxe sobre a ruta da Orixe, o martes 24 subimos a un catamarán en Rianxo e navegamos polo camiño que segundo a lenda, seguiron os discípulos do apóstolo Santiago cando trasladaron os seus restos dende Palestina a Iria Flavia nunha barca. Puidemos descubrir os cruceiros que conforman o Vía Crucis acuático así como ver dende outra perspectiva as Torres do Oeste.
ANDAINA CAMIÑO A ORIXE: CORRUBEDO LAGOAS DE CARREGAL E VIXÁN O día 26 de abril fixemos a nosa segunda andaina. Estivemos en Corrubedo, onde comeza o camiño A ORIXE. Tamén visitamos o CIELGA, centro de Interpretación dos ecosistemas litorais de Galicia e o mirador da pedra da Rá. Dende este mirador puidemos ver as Lagoas de Carregal e Vixán, as dunas de Olveira e a illa s Sálvora.